အသပြာမျိုးဆက် သို့မဟုတ် လှုပ်နေသော အမှတ်အသား ပိုင်ရှင်များ
မရမ်းဖျော့ရောင်
မျက်မှန်ပေါ်က ကျော်ကြည့်လိုက်တော့
ရှော့ပင်းစင်တာကြီးက
သူမကိုဖိတ်ခေါ်နေဟန် ပြိုးပြက်
သူမရဲ့ အိုအေစစ်။
အပြင်လမ်းမပေါ်
လူအများ တိုးဝှေ့သွားလာနေကြ
ပ်ံက်ေစ်းလုိ
ရယ်မောသံ၊ ရန်ဖြစ်သံတွေလည်း မရှိ
ဘတ်စ်ကားတွေရဲ့ တကျွီကျွီဘရိတ်နင်းသံတွေလည်း
မှန်လုံခန်းထဲကို ထိုးဖောက်ဝင်မလာနိုင်။
နေကာမျက်မှန်ကိုချွတ်
အရောင်းကောင်တာကို မျက်စိတစ်ဝဲကြည့်လိုက်
ဒီဇိုင်းသစ် တံဆိပ်သစ်တွေက စိတ်ကိုလာဆွနေ
တစ်လတစ်လကို
ဒေါ်လာ ၄ ထောင်ဖိုးပုံမှန်သုံး
တရုတ်ပြည် ပျမ်းမျှလစာနဲ့နှိုင်းယှဉ်ရင်
အဆ ၁၃၀ ခန့်။
ငွေကို
ရေလိုသုံးနေတဲ့ ကလေးမလေးရဲ့နာမည်
မဂ္ဂီကောင်း
သူတို့ဘ၀မှာ တိမ်ညွှန့်စား လရထားစီး
မိဘတွေက
ခေတ်သစ်နဲ့အတူ မွေးဖွားလာတဲ့
ဘိဇနက်လောကသားများ။
ကာလတိုအတွင်း
မတရားချမ်းသာလာတော့
ငယ်ပေါင်းဇနီးနဲ့ကွဲသွား
အဖေက
ရှန်ဟိုင်းမြို့ပေါ်က
ကြေးအကြီးဆုံး
“ကျွန်မကျောင်းလစ်တာ အလကားမဟုတ်ဘူး
အဖေ့ငွေတွေကို ဖြုန်းချင်လို့”။
အစေခံတွေနဲ့ နေရတဲ့ဘ၀ကို ငြီးငွေ့လှပြီ
ရှော့ပင်မထွက်ရ မနေနိုင်၊ ရှော့ပင်ကိုစွဲနေပြီ
အကောင်းစားသားရေအိတ်ပြားကြီးထဲမှာ
ဟောင်ကောင်ပေါ့ပ် အဆိုတော်
အက်ဒီဆင်ရဲ့ဓာတ်ပုံ။
ဘရစ်တနေစပီးယားနဲ့ အမ်မီနမ်တို့သာ
သူတို့ရဲ့ နိစ္စဓူဝသံစဉ်
နောက်ဆုံးပေါ် ဖက်ရှင်ကို ခါးကမချသလို
နောက်ဆုံးပေါ် ဂီတကိုလည်း ပါးစပ်ကမချ
ပါးစပ်က
တွေ့ကရာတွေ အော်ပစ်လိုက်။
အသစ်အဆန်းမှန်သမျှ စိတ်ဝင်စား
ဒုက္ခဆိုတာ
ချိုနဲ့လားလို့ မေးရလောက်အောင် အဆင်ပြေနေတဲ့
မျိုးဆက်
အိုင်ဒီယာသစ်ဖို့ကိစ္စ တစ်ခါမှမတွေးဖူး။
ကုန်းတွင်းပိုင်းဒေသနဲ့
အစွန်အဖျားက
လူငယ်တွေကတော့
ပြင်းထန်တဲ့ စီးပွားရေး စိန်ခေါ်မှုတွေ အောက်မှာ
လူငယ်ဘ၀ ပျောက်ဆုံးသလိုဖြစ်နေ။
ဒီခေတ်ကြီးရဲ့ သင်္ကေတက
မော်စီတုန်း မဟုတ်
အသပြာ
စီးပွားရေးတံခါးဖွင့်ဝါဒနဲ့
ကလေးတစ်ယောက် ပေါ်လစီက
မွေးထုတ်ပေးလိုက်သော
“ကျွန်မကတော့
ချိုလိမ်လေးကို ပါးစပ်ထဲ ထည့်ပစ်လိုက်တာပဲ”။
လွတ်မြောက်ရေး စစ်ပွဲကို သူတို့မသိ
တော်လှန်ရေးဆိုတာ အိပ်ရာဝင် ပုံပြင်ထက် ဘာမှ မပို
မျိုးဆက်ဟောင်းရဲ့ရဲဘော်စိတ်ကို
နားမလည်
ကွန်ဖြူးရှပ်ရဲ့
လောကသာရကိုလည်း စိတ်မ၀င်စား။
ကိုယ်ကျိုးစီးပွား
မိုးပေါ် အမြဲပျံဝဲနေစေဖို့
အရေးကြီးတာက ငွေကြေးနဲ့အဆက်အသွယ်
ငွေမရှိလို့ ဘယ်လိုမှမဖြစ်
ငွေဆိုတာ အပျော်မို့လား။
ရှန်ဟိုင်း လူငယ်တွေဟာ
နက်သထက်နက်လာတဲ့ ဆင်းရဲချမ်းသာကွာခြားမှု
ချောက်ကမ်းပါးကြီးကို
ယောင်လို့တောင် ငုံ့မကြည့်။
ဂန္ထ၀င်ကို သူတို့စိတ်မ၀င်စား
သူတို့ ရှာဖွေနေတာက စတိုင်လ်သစ်ဖို့
သူရဲကောင်းတွေဆိုရင်
ဒဏ္ဍာရီပုံပြင်လာ ဟီးရိုးများသာ။
မျက်မှောက်ပြုနေရတဲ့
လူမှုအပြောင်းအလဲတွေမှာ နိုင်ငံရေးမပါ
အကောင်းဆုံး ကျောင်းမှာ တက်ခဲ့ပေမယ့်
“ကော်နက်ရှင်က စာသင်ခန်းထဲမှာ မရှိဘူး။
ကပွဲမှာမှရှိတာ”
မိဘတွေရဲ့ချစ်ခြင်းအားလုံးနဲ့
ငွေကြေးအထောက်အပံ့ အလျှံအပယ်ရရှိနေသူများ
သူ့အဖေမှာ
မာမီလေးတွေ၊ မာမီလတ်တွေအများကြီး။
ဟိုတယ်မယ်လေးကို
မျက်စိတစ်ဖက်မှိတ်ပြရင်း
“ခွင့်ပေးရင် ချစ်ချင်ပါတယ်... ချစ်ပြီးရင်သွားမှာနော်ကွယ်”
“အို... မင်းသဘောအတိုင်းပဲ”
မမက
ပွဲတက် ကကွက်သာမက
ဘ၀ဇာတ်ခုံပေါ် အသုံးတည့်မယ့် ကကွက်မျိုးစုံ သင်ပေး။
ပေါ်ပင်ဖက်ရှင်တွေအတွက်
ရေခံမြေခံကောင်းတစ်ခု
ငွေတွေ ရေလိုစီးနေတယ်။
လူ့ မလိုင်ခဲလေးများ ဆုံစည်းရာ
ဒေါ်လာကို အတောင်တပ်ထားတဲ့
ဆောင့်ကြွားကြွား ချာတိတ်တွေ မမြင်ချင်အဆုံး။
တချို့ရန်ဖြစ်၊ တချို့မှောင်ရိပ်ခို
ချာတိတ်နှစ်ယောက်က
ဂေါက်သီးကစားနည်းအကြောင်း
အော်ကျယ်အော်ကျယ်
မူးယစ်ဆေးဝါးနဲ့ ဒုစရိုက်မျိုးစုံ
မှိန်ပျပျမီးရောင်နဲ့ တိုးညင်းညင်းဂီတသံအောက်မှာ ပျောက်နေ
တေးသံက
လူငယ်တွေရဲ့တစ်ညတာ ဆက်ဆံရေးကို
ပြောပြနေသယောင်။
“ဘာရယ်မဟုတ်ပါဘူး။
စိတ်အပြောင်းအလဲပေါ့နော်”
တစ်လအတွင်း
ဆံပင်ရှစ်ခါအရောင်ပြောင်းဆိုးသူ
ယုံကြည်မှုတွေ ပြိုကျရာက
ဆိုဆုံးမရခက်တဲ့ကလေးတွေ
များသထက်များလာ။
စိတ်ပညာရှင်တချို့က
ပုံပန်းပျက်လာတဲ့ မိသားစုတန်ဖိုးတွေနဲ့
မိဘသားသမီးဆက်ဆံရေးကို ထောက်ပြကြ
အိမ်ထောင်ရေးဘ၀
“ကျွန်မအသည်းနှလုံးက
တစ်ခုခုကို ကြာကြာ လက်မခံတတ်ဘူးရှင့်”
အပေါ်ယံကြည့်ရင်
တကယ့် အမေရိကန် ပုံတူ
ပေါ့ပ်ဂီတကို ခံတွင်းတွေ့သူများ
ဂလိုဘယ်ဘ၀ဟန်ပန်နဲ့ အသားကျသူများ
စီးပွားရေးပေါ်လစီကို
သံသယမရှိ လက်ခံနိုင်သူများ။
မိုးကိုဒူးနဲ့ တိုက်ဖို့ မစဉ်းစား
ဝါသနာမပါ
အင်္ဂလိပ်စကား ကျွမ်းကျွမ်းကျင်ကျင်ပြောနိုင်
လူငယ်မျိုးဆက်တွေအကြား
“သူတို့ကိုကြည့်ရတာ ကမ္ဘာကြီးနဲ့ ပိုနီးလာသလိုပဲ။
တခြားဒေသက ကလေးတွေနဲ့တော့ ဝေးဝေးလာတယ်”။
ပစ္စုပ္ပန်မှာ ပျော်သလို နေကြပြီး
အနာဂတ်ပျောက်နေတဲ့ ကိစ္စ
ဘ၀ကို လွယ်လွယ်လေးတွေး ပေါ့ပေါ့လေး ရင်ဆိုင်နေ
“ဒါနဲ့...
မာမီလေးတို့၊ မာမီလတ်တို့ရော နေကောင်းလား”။
အတိတ်ကို လွမ်းနေသူတွေမဟုတ်သလို
အနာဂတ်အတွက်
ပူပန်ကြောင့်ကြနေသူတွေ မဟုတ်
သူတို့ သရုပ်ကို
သမိုင်းနဲ့ပုံဖော်လို့ မဖြစ်နိုင်။
လားရာအမြင်နဲ့ပုံဖော်လို့ မရနိုင်။
“ဒီနေ့ ကလေးတွေကိုကြည့်ရင်း
ဘယ်အချိန် မိုးပြိုမလဲလို့ မထိတ်သာ မလန့်သာဖြစ်နေရပြီဗျာ”
ပီကင်းအခြေစိုက်
လူမှုဗေဒပညာရှင်တစ်ဦးရဲ့ညည်းချင်း
လူငယ်တွေရဲ့ အမှတ်အသား သရုပ်ကို
အခုထိ မဖမ်းဆုပ်နိုင်သေး။
အောင်ရင်ငြိမ်း
